«Zetas» նարկոկարտելը համարվում է ողջ Մեքսիկայի «ահ ու սարսափը»

Ինչպես հաղորդում է անվտանգության հարցերով ուսումնասիրություններ կատարող ամերիկյան «Stratfor» ընկերությունը` մեքսիկական «Zetas» նարկոկարտելը դարձել է այդ երկրի ամենահզոր քրեական կառույցը։ 

Ըստ այս կազմակերպության ուսումնասիրությունների՝ այժմ Մեքսիկայի մեծ մասը գտնվում է այս նարկոկարտելի վերահսկողության տակ։ 

Եթե նախկինում «Zetas»–ի հիմնական մրցակից համարվող «Sinaloa» նարկոկարտելի ռազմավարության հիմնական ուղղությունը կաշառքի միջոցով իրենց ցանկալի նպատակներին հասնելն էր, ապա «Zetas»–ը իր նպատակներին հասնելու համար օգտագործում է ցանկացած միջոցներ՝ ահաբեկություններ, սպանություններ։