ՄԱԿ-ը ընդունեց Կիևի բանաձևը ուկրաինացի երեխաների վերաբերյալ

ՄԱԿ-ի անդամ պետությունների 50%-ից պակասն է քվեարկել Արևմուտքի կողմից աջակցվող ուկրաինացի երեխաների վերաբերյալ Գլխավոր ասամբլեայում ընդունված բանաձևի օգտին։ Դրան չնայած՝ փաստաթուղթն ընդունվել է, հաղորդում է ՏԱՍՍ-ը։

«Ուկրաինացի երեխաների վերադարձը» վերնագրով բանաձևը ՄԱԿ-ի ԳԱ-ին ներկայացվել է Ուկրաինայի, Կանադայի և մի քանի եվրոպական երկրների կողմից։ Իննսունմեկ պատվիրակություն քվեարկել է կողմ, իսկ 57-ը՝ ձեռնպահ։ Ռուսաստանը և ևս 11 երկիր, այդ թվում՝ Իրանը, Կուբան, Բելառուսը և Հյուսիսային Կորեան, քվեարկել են դեմ։ Քվեարկությանը չի մասնակցել ևս 30 երկիր։ ՄԱԿ-ի անդամ պետությունները 193-ն են։

Քվեարկությունից առաջ ՄԱԿ-ում Ռուսաստանի մշտական ​​ներկայացուցչի տեղակալ Մարիա Զաբոլոցկայան հայտարարել է, որ բանաձևի նպատակը հեռու է «երեխաներին օգնելուց»։ Նրա խոսքով՝ դրա հիմնական նպատակը Ռուսաստանի կողմից ուկրաինացի երեխաների արտաքսման գաղափարի տարածումն է։ Նա նշել է, որ, ենթադրաբար, արտաքսված 20 000 երեխաների թիվը շրջանառվում է արդեն մի քանի տարի, և այս թիվը, ինչպես ընդգծել է Զաբոլոցկայան, չի հաստատվում որևէ ցուցակով։

«Մենք երբեք չենք տեսել այն երեխաների հարազատներին, որոնք, ենթադրաբար, արտաքսվել են Ռուսաստան», - նշել է նա՝ հավելելով, որ այս բանաձևը «ամբողջովին խեղաթյուրում է իրականությունը»։