Չինաստանը պատրաստ է համագործակցել Ֆրանսիայի հետ խաղաղ ապագա ստեղծելու համար. Սի Ծինփին

Չինաստանը պատրաստ է համագործակցել Ֆրանսիայի հետ՝ խաղաղ և փոխշահավետ ապագա ստեղծելու համար։ Այս մասին հայտարարել է Չինաստանի նախագահ Սի Ծինփինը Ֆրանսիայի նախագահ Էմանուել Մակրոնի հետ հանդիպման ժամանակ, հաղորդում է ՏԱՍՍ-ը։

«Չինաստանը պատրաստ է համագործակցել Ֆրանսիայի հետ՝ համատեղ զարգացումը խթանելու, խաղաղություն կառուցելու և փոխշահավետ ապագա ստեղծելու, ինչպես նաև համատեղ ապագայով մարդկության համայնքի կառուցման ուղղությամբ անընդհատ շարժվելու համար», - ասել է նա։

Հանդիպման ընթացքում Չինաստանի առաջնորդը նաև ընդգծել է երկու երկրների կողմից անկախության և ռազմավարական տեսլականի ցուցադրման կարևորությունը՝ անկախ աշխարհաքաղաքական իրավիճակից։ Նա նաև ընդգծել է, որ Պեկինը և Փարիզը պետք է ցուցաբերեն փոխըմբռնում և աջակցություն միմյանց հիմնական շահերին վերաբերող բոլոր հարցերում։