Պուտինը մեկ սխալ քայլ է անվանել Ուկրաինայի բանակցություններում

Ռուսաստանի նախագահ Վլադիմիր Պուտինը հայտարարել է, որ սխալ է համարում Ուկրաինայի հարցով ԱՄՆ խաղաղ պլանի կետերի մասին հրապարակային մեկնաբանություններ տալ այն ժամանակ, երբ անհրաժեշտ է ներգրավվել հակամարտության կարգավորման աշխատանքներում, այլ ոչ թե խանգարել դրան: Ռուսաստանի ղեկավարի խոսքը մեջբերում է Lenta-ն։

«Հիմա ասել, թե կոնկրետ ինչը չի համապատասխանում, իսկ ինչի հետ մենք կարող ենք համաձայնել, ինձ թվում է վաղաժամ է։ Քանի որ դա կարող է պարզապես խախտել այն աշխատանքային ռեժիմը, որը կառուցել է Վաշինգտոնը։ Ես կարծում եմ, որ պետք է ներգրավվել այդ աշխատանքում, այլ ոչ թե խանգարել», - ընդգծել է Պուտինը։

Նախագահը նշել է, որ Ուկրաինայի հարցով բանակցությունների շրջանակներում ԱՄՆ-ն զբաղվում է միջնորդային դիվանագիտությամբ՝ հաջորդաբար քննարկելով խաղաղ պլանի կետերը Մոսկվայի, Կիևի և եվրոպական երկրների հետ: