Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյալ

Չինաստանը հույս ունի հասնել Ուկրաինայի հարցում խաղաղության համաձայնագրի, որը ընդունելի կլինի բոլոր կողմերի համար։ Այս մասին հայտարարել է Չինաստանի նախագահ Սի Ծինփինը, գրում է ՏԱՍՍ-ը։

Նա նշել է, որ ժամանակակից աշխարհում քաղաքական իրավիճակը չափազանց անկայուն է։

«Ուկրաինական ճգնաժամի վերաբերյալ Չինաստանը աջակցում է խաղաղությանն ուղղված բոլոր ջանքերին և հույս ունի, որ բոլոր կողմերը երկխոսության և բանակցությունների միջոցով կհասնեն արդար, երկարատև և պարտավորեցնող խաղաղության համաձայնագրի, որը ընդունելի կլինի բոլոր կողմերի համար», - ասել է նա Ֆրանսիայի նախագահ Էմանուել Մակրոնի հետ հանդիպումից հետո կայացած մամուլի ասուլիսում։

Չինացի առաջնորդը ընդգծել է, որ Պեկինը կշարունակի կառուցողական դեր խաղալ ճգնաժամի քաղաքական կարգավորման գործում։ Սին նաև նշել է, որ Չինաստանը կտրականապես դեմ է հակամարտության համար մեղադրանքների փոխանցման կամ զրպարտության ցանկացած արշավի։