Պուտինը խոսել է BRICS-ի միասնական արժույթի ներդրման մասին

Ռուսաստանի նախագահ Վլադիմիր Պուտինը India Today-ին տված հարցազրույցում հայտարարել է, որ BRICS-ի շրջանակներում միասնական արժույթ ստեղծելու նպատակ ներկայումս չկա։

«Երբեք մի շտապիր, և այդ դեպքում մեծ սխալներ թույլ չես տա», - ասել է նա։

Պուտինը որպես օրինակ բերել է Եվրամիությանը։ Նա նշել է, որ որոշ երկրներ ընդունվել են միասնական արժութային համակարգին (եվրո), երբ դեռ պատրաստ չէին։

Միաժամանակ, Ռուսաստանի առաջնորդը կոչ արեց ավելի լայնորեն օգտագործել ԲՐԻԿՍ-ի Նոր Զարգացման Բանկի հնարավորությունները։