Ֆրիդրիխ Մերցը զանգահարել է Ալիևին և հրավիրել Գերմանիա․ ինչ են քննարկել
Աշխարհ
Դեկտեմբերի 4-ին Գերմանիայի կանցլեր Ֆրիդրիխ Մերցը զանգահարել է Ադրբեջանի Հանրապետության նախագահ Իլհամ Ալիևին։
Այս մասին հայտնել է Ադրբեջանի նախագահի մամուլի ծառայությունը։
Ֆրիդրիխ Մերցը նախ շնորհավորել է Ալիևին Ադրբեջանի և Հայաստանի միջև խաղաղության օրակարգի առաջխաղացման գործում ձեռք բերված հաջողությունների համար։ Կանցլերը ընդգծել է, որ Գերմանիան աջակցում է տարածաշրջանում կայունությանը։
Շնորհակալություն հայտնելով շնորհավորանքների համար՝ Ալիևը նշել է, թե իբր «Ադրբեջանը տարածաշրջանային խաղաղության նախաձեռնությունների հեղինակն է»։
Ալիևը ընդգծել է, թե «Ադրբեջանը կշարունակի ջանքերը՝ տարածաշրջանում կայուն խաղաղություն ապահովելու և ամրապնդելու համար»։
Հեռախոսազրույցի ընթացքում նրանք մտքեր են փոխանակել Ադրբեջանի և Գերմանիայի միջև երկկողմ հարաբերությունների զարգացման հեռանկարների վերաբերյալ։
Կանցլեր Ֆրիդրիխ Մերցը հրավիրել է Ադրբեջանի Հանրապետության նախագահին այցելել Գերմանիա։ Իլհամ Ալիևը գոհունակությամբ ընդունել է հրավերը և, իր հերթին, հրավիրել է Գերմանիայի կանցլերին այցելել Ադրբեջան։ Ֆրիդրիխ Մերցը նույնպես ընդունել է հրավերը։
ՈՒՂԻՂ ԵԹԵՐ
Ամենադիտված 
Ես տրամադրված եմ լքել ԱՄՆ–ն, Հայաստանը մեր ձեռքից գնում է․ Վարդան Ղուկասյան
