Պուտինը խոսել է «ԽՍՀՄ-ի ռեինտեգրացիայի» մասին

Ռուսաստանի նախագահ Վլադիմիր Պուտինը հայտարարել է, որ ԽՍՀՄ-ի ռեինտեգրացիան անհնար է և անիմաստ, և որ նման նպատակներ չկան։

«Ի՞նչի՞ ռեինտեգրացիա։ Խորհրդային Միությա՞ն։ Ոչ, իհարկե՝ ոչ, դա պարզապես բացառված է... Նման նպատակներ չկան... Անիմաստ է... դա տեղին չէ», - ասել է Պուտինը India Today-ին տված հարցազրույցում։

Նա նշել է, որ որոշ երկրներ այսօր թույլ են տալիս սխալներ, որոնք նման են ԽՍՀՄ-ի կողմից անցյալում թույլ տրված սխալներին։

«Խորհրդային Միությունը գտնվում էր իր պատմության որոշակի փուլում, երբ նրա ղեկավարությունը, և գուցե նույնիսկ հասարակ քաղաքացիները, կարծում էին, որ այն այնքան մեծ է, որ ոչ մի պարագայում ոչինչ չի կարող պատահել նրան։ Եվ այս մեծության գաղափարը այն պահն է, երբ երկիրը սկսում է մեկ սխալը մյուսի հետևից թույլ տալ՝ մտածելով, որ ամեն ինչ լավ է։ Այո, մենք սխալներ ենք թույլ տվել այնտեղ և մեկ փոքր՝ այստեղ, բայց մենք այնքան մեծ ենք, որ դա կանցնի, մենք կդիմանանք։ Բայց սխալների քանակը ձնագնդի պես աճում է, և դրանից գլուխ հանելը գնալով դժվար է դառնում։ Ես նույն բանը տեսնում եմ այսօր որոշ այլ երկրների հետ», - ասել է Պուտինը։