Բելգիայի խորհրդարանը ծափահարություններով է դիմավորել Ռուսաստանի վերաբերյալ որոշումը (լուսանկարներ)

Բելգիացի խորհրդարանականները ծափահարություններով են դիմավորել վարչապետ Բարտ դե Վևերի ելույթը, որում նա ևս մեկ անգամ հաստատել է, որ հրաժարվում է Ռուսաստանի սառեցված ակտիվները փոխանցել Եվրահանձնաժողովի վերահսկողությանը: Քաղաքական գործիչը նշել է, որ Բրյուսելից պետք չէ անհնարինը պահանջել, հաղորդում է VRT-ն:

Նրա խոսքով՝ բելգիացիները «հավատարիմ եվրոպացիներ են և լիովին պատրաստ են աջակցել Ուկրաինային»: Նա հայտարարել է, որ չի գործում Ռուսաստանի շահերից ելնելով և ամեն ինչ անելու է, որպեսզի թույլ չտա ակտիվների ապաշրջափակումն ու դրանց վերադարձը Մոսկվային:

Դե Վևերը նշել է, որ Եվրահանձնաժողովի ծրագրի հաստատման համար Եվրամիության բոլոր երկրները պետք է իրավական երաշխիքներ տան, որպեսզի լիովին կիսեն ֆինանսական ռիսկերը, որոնք կարող է կրել Բելգիան: Իր խոսքում վարչապետը կոչ է արել բռնագրավել ռուսական ակտիվները նույն պայմաններով, ինչ Բրյուսելում։