ԱԹՍ հարվածը վնասել է «Գրոզնի-Սիթի»-ի շենքը․ Չեչնիայում տեղի ունեցածի մասին հայտնի մանրամասները

Դեկտեմբերի 5-ի վաղ առավոտյան անօդաչու թռչող սարք է բախվել «Գրոզնի-Սիթի» բիզնես կենտրոնի շենքերից մեկին Չեչնիայի մայրաքաղաքում։ Դեպքը տեղի է ունեցել ժամը 07:00-ի սահմաններում։ Հրապարակված կադրերում երևում է, որ շենքի մի քանի հարկերի արտաքին հատվածը վնասվել է, իսկ ներսում արձանագրվել է հրդեհ։ Վիրավորների վերաբերյալ տվյալներ այս պահին չկան, իսկ պաշտոնական հայտարարություն դեռ չի արվել։

Դեպքից անմիջապես հետո ժամանակավորապես դադարեցվել էր Գրոզնիի, Վլադիկավկազի և Մագասի օդանավակայանների աշխատանքը, սակայն երկու ժամ անց սահմանափակումները հանվել են։ Տեղական ոչ պաշտոնական լրատվական հարթակներում հիշեցրին, որ արգելվում է հրապարակել անօդաչուների հարվածների վայրերի նկարներ և նման դեպքերի վերաբերյալ տեղեկատվություն՝ սահմանված կարգի համաձայն։

Ներկա գիշերը անօդաչուների հարձակումներ են արձանագրվել նաև Ռուսաստանի այլ տարածքներում։ Ռուսաստանի պաշտպանության նախարարությունը հայտնել է, որ գիշերվա ընթացքում հակաօդային պաշտպանության ուժերը խոցել են 41 անօդաչու տարբեր ուղղություններով՝ ներառյալ Սամարայի, Կրիմի, Սարատովի, Վոլգոգրադի, Ռոստովի և Կրասնոդարի ուղղություններում։ Նախորդ տարիներին նույնպես արձանագրվել են ԱԹՍ-ների հարձակումներ Չեչնիայում, այդ թվում՝ հատուկ ոստիկանության ստորաբաժանումների և ուսումնական համալիրների տարածքում։