ԱՄՆ-ն պաշտոնապես սահմանել Է Ռուսաստանի նկատմամբ իր քաղաքականությունը

Ռուսաստանի հետ ռազմավարական կայունության վերականգնումը Եվրոպայում ԱՄՆ-ի գլխավոր արտաքին քաղաքական առաջնահերթություններից մեկն է։ Այս մասին ասվում է Ազգային անվտանգության ամերիկյան նոր ռազմավարության մեջ, որը հրապարակել է Սպիտակ տունը։

«Եվրոպայի նկատմամբ մեր ընդհանուր քաղաքականությունը պետք է ուղղված լինի Եվրոպայում կայունության պայմանների վերականգնմանը և Ռուսաստանի հետ ռազմավարական կայունությանը», - նշվում Է փաստաթղթում:

Ազգային անվտանգության ռազմավարության համաձայն՝ Ռուսաստանի հետ Եվրոպայի հարաբերությունների կառուցման համար պահանջվում է ԱՄՆ-ի «դիվանագիտական մասնակցությունը»՝ Եվրասիայում ռազմավարական կայունության համար «պայմանները վերականգնելու և նորից սահմանելու համար»:

Տեքստում նաև նշվում է, որ Վաշինգտոնի միջնորդությունը «պետք է նպաստի Մոսկվայի և եվրոպական երկրների միջև պոտենցիալ հակամարտության առաջացման ռիսկի նվազեցմանը»: