Եվրահանձնաժողովը Իլոն Մասկի X սոցիալական ցանցին տուգանել է 120 միլիոն եվրոյով

Եվրոպական հանձնաժողովը երկամյա հետաքննությունից հետո առաջին անգամ 120 միլիոն եվրոյի տուգանք է սահմանել Իլոն Մասկի X սոցիալական մեդիա հարթակի, նախկինում Twitter-ի վրա՝ համաձայն թվային ծառայությունների մասին իր կարևորագույն օրենքի։ Այս մասին հայտնում է Euronews-ը:

Հետաքննության կենտրոնում կապույտ նշիչն է, որը նախկինում օգտագործվում էր պաշտոնական հաշիվները անվճար նշելու համար, բայց այժմ վաճառվում է ամսական 7 եվրոյով, ինչը կարող է օգտատերերին մոլորեցնել անձնական տվյալների իսկության առումով։

Եվրոպական հանձնաժողովը հայտարարել է, որ նոր X կարգավորումներում, նշիչով հաշիվը կարող է ներկայացնել ոչ թե իրական օգտատիրոջ, այլ բոտի։ Հետևաբար, այն որոշել է ֆինանսական տուգանք կիրառել ԵՄ DSA-ն խախտելու համար։

Երկրորդ, Եվրահանձնաժողովը պարզեց, որ X-ը չի կատարել սոցիալական ցանցերում գովազդի վերաբերյալ թափանցիկության պարտավորությունը՝ աղոտացնելով գովազդի և բովանդակության միջև եղած սահմանը, որը կարող է հանգեցնել օգտատերերի համար ֆինանսական խարդախության։

Եվրոպական հանձնաժողովը պնդում է, որ օգտատերերը և իշխանությունները չեն կարող մուտք գործել կայքում գովազդատուների թարմացված գրանցամատյան, ինչը կարող է նաև խնդրահարույց լինել նախընտրական քարոզարշավների ժամանակ։

Մասկի ընկերությունը չի կարողացել բացատրել, թե ինչու են որոշ գովազդներ ուղղված որոշակի օգտատերերի։ Եվրահանձնաժողովը նաև քննադատել X հարթակին՝ հետազոտողներին դիտումների և հավանումների վերաբերյալ տվյալներ չտրամադրելու համար, չնայած դա թվային ծառայությունների մասին օրենքի համաձայն՝ պարտավորություն էր։