Զապորոժյեի ատոմակայանը հաստատել է` ճառագայթման սպառնալիք չկա
Աշխարհ
Զապորոժյեի ատոմակայանում ճառագայթման մակարդակը համապատասխանում է բնական մակարդակներին, և անձնակազմի, հանրության կամ շրջակա միջավայրի համար սպառնալիք չկա: Այս մասին հաղորդվել է կայանի Telegram ալիքում։
«ԱԷԿ-ի տարածքում, սանիտարական պաշտպանության գոտում և դիտարկման գոտում ճառագայթման մակարդակը համապատասխանում է բնական մակարդակներին և գտնվում է նորմալ սահմաններում», - ասվում է հայտարարության մեջ։
Գերատեսչությունը հայտարարել է, որ դեկտեմբերի 6-ի գիշերը ԶԱԷԿ-ը մի քանի ժամով անջատվել է արտաքին էլեկտրաէներգիայից՝ ավտոմատ պաշտպանության համակարգի ակտիվացման պատճառով: Դրանից հետո կայանն անցել է էլեկտրաէներգիայի լրիվ անջատման ռեժիմի:
Կանոնակարգերի համաձայն` ներքին էլեկտրաէներգիայի պահանջները բավարարելու համար միացվել են պահեստային դիզելային գեներատորներ: Մամուլի ծառայությունը շեշտել է, որ բոլոր անվտանգության համակարգերը բնականոն աշխատել են։
Կայանին էլեկտրաէներգիան այժմ վերականգնվել է 330 կՎ լարման «Ֆեռոսպլավնայա-1» գծով: Էլեկտրահաղորդման գծի անջատման պատճառը հետաքննվում է։
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
