NYT-ը Մելանիա Թրամփին ներառել է 2025-ի ամենաոճային հայտնի մարդկանց ցանկում

The New York Times-ը հրապարակել է տարվա ամենաոճային անհատների ցանկը, որի առաջին տողերում է հայտնվել ԱՄՆ նախագահի կինը՝ Մելանիա Թրամփը։ Հոդվածում նշվում է, որ նա առանձնացել է հատկապես իր էֆեկտային գլխարկներով, որոնք երկրորդ նախագահական ժամկետի սկզբից դարձել են նրա կերպարի գլխավոր տարրը ու ինքնարտահայտման միջոցը։

Պարբերականը ընդգծում է, որ Մելանիա Թրամփի կերպարները շարունակում են ազդել ամերիկյան մոդային դաշտի վրա՝ նրան դարձնելով տարվա առանցքային ոճային խորհրդանիշներից մեկը։ Ցանկում ներառվել են նաև ռեփեր ASAP Rocky-ն, երգչուհի Սաբրինա Քարպենթերը, դերասաններ Ալեքսանդր Սկարսգարդը և Թիմոթի Շալամեն, թենիսիստ Կառլոս Ալկարասը, երգչուհի Ռոզալիան, ինչպես նաև մի շարք այլ հայտնի գործիչներ։

Ավելի վաղ հաղորդվել էր, որ Մելանիա Թրամփի ընտրված հանդերձանքը Սաուդյան Արաբիայի թագաժառանգ Մուհամմեդ բին Սալմանի պատվին կազմակերպված պաշտոնական ընդունելության ժամանակ սոցցանցերում առաջացրել էր հակասական արձագանքներ։