Պուտինը․ Ռուսաստանում ստեղծվել են պայմաններ տնտեսական աճի տեմպերը վերականգնելու համար

Ռուսաստանի նախագահ Վլադիմիր Պուտինը հայտարարել է, որ երկրում ստեղծվել են անհրաժեշտ նախադրյալներ տնտեսական դինամիկայի աստիճանական վերագործարկման համար։ Խոսելով ռազմավարական զարգացման և ազգային նախագծերի խորհրդում՝ Պուտինը նշել է, որ 2025 թվականին տնտեսության աճի տեմպերը հասել են կանխատեսված դանդաղման փուլին, ինչի արդյունքում ՀՆԱ–ն կաճի շուրջ 1 տոկոսով, իսկ գնաճը կկազմի մոտ 6 տոկոս կամ ավելի ցածր։

Պուտինի խոսքով՝ հաջորդ փուլում հնարավոր կլինի անցնել ավելի արագ տնտեսական աճի, սակայն դրա ընթացքում կարևոր է պահպանել ցածր գործազրկությունը և վերահսկել գնաճը։ Նա հիշեցրել է, որ Ռուսաստանի Կենտրոնական բանկը կանխատեսում է 4–5 տոկոսի սահմաններում մնացող ինֆլյացիա, ինչը, ըստ նախագահի, համապատասխանում է ողջախոհ տնտեսական քաղաքականությանը։

Ավելի վաղ՝ սեպտեմբերին, Պուտինը ընդգծել էր, որ իշխանությունները պետք է «անցնեն սուր շեղբի վրայով»՝ միաժամանակ պայքարելով գնաճի դեմ և խուսափելով տնտեսության արհեստական «սառեցումից»։