Նեթանյահուն նախատեսում է հանդիպել Թրամփի հետ

Իսրայելի վարչապետ Բենիամին Նեթանյահուն նախատեսում է դեկտեմբերի 29-ին հանդիպել ԱՄՆ նախագահ Դոնալդ Թրամփի հետ՝ քննարկելու ամերիկացի առաջնորդի Գազայի հարցով ծրագրի հաջորդ փուլերը, որը նախատեսում է ՀԱՄԱՍ-ի զինաթափում և Գազայի ապառազմականացում, հաղորդում է I24 հեռուստաալիքը:

Ynet- ի փոխանցմամբ՝ Նեթանյահուի այցը կտևի մեկ շաբաթ։ Վարչապետը կմեկնի Միացյալ Նահանգներ դեկտեմբերի 28-ին և կվերադառնա Իսրայել 2026 թվականի հունվարի 4-ին։ Դեկտեմբերի 7-ին Գերմանիայի կանցլեր Ֆրիդրիխ Մերցի հետ համատեղ մամուլի ասուլիսում Նեթանյահուն հայտարարեց, որ նախատեսում է հանդիպել Թրամփի հետ մինչև ամսվա վերջ՝ քննարկելու ԱՄՆ նախագահի Գազայի հատվածի համար խաղաղության ծրագրի երկրորդ փուլի իրականացման նախապատրաստական ​​աշխատանքները։ Նա նշեց, որ արմատական ​​պաղեստինյան «ՀԱՄԱՍ» շարժումը պետք է կատարի իր «պարտավորությունները՝ զինաթափելու և ապառազմականացնելու Գազան»։