Ռուսաստանն ու ԱՄՆ-ն շարունակում են շփումները, բայց Ուկրաինայի համար խաղաղության ծրագիր չեն քննարկում. Պեսկով

Ռուսաստանը և Միացյալ Նահանգները շարունակում են պահպանել երկկողմ շփումները, սակայն ներկայումս չեն քննարկում Ուկրաինայի հակամարտության կարգավորման հարցը։ Այս մասին լրագրողների հետ ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը։

Նրա խոսքով՝ Վաշինգտոնն այժմ քննարկում է Կիևի հետ խաղաղության ծրագրի մանրամասները։ Մոսկվան, իր հերթին, սպասում է այս երկխոսության արդյունքներին։

Միջոցառման ընթացքում Պեսկովին նաև հարցրել են, թե արդյոք Ռուսաստանը և Միացյալ Նահանգները պահպանում են կապերը իրենց արտաքին քաղաքականության և այլ նախարարությունների մակարդակով։

«Գոյություն ունեցող շփումների մակարդակով», - ասել է Կրեմլի խոսնակը։