2025 թվականի լավագույն սմարթֆոն է ճանաչվել iPhone 17-ը

Հայտնի տեխնոբլոգեր Մարկես Բրաունլին (MKBHD), որի YouTube-ալիակը ունի ավելի քան 20 միլիոն հետևորդ, հրապարակել է 2025 թվականի լավագույն սմարթֆոնների իր վարկանիշը։ Տարվա գլխավոր հաղթողն, ըստ նրա, դարձել է iPhone 17-ը, որը, ինչպես նշեց բլոգերը, վերջապես առաջարկում է՝ 120 հերտց էկրան, 256 ԳԲ հիմնական հիշողություն և մեծ սենսորով ֆրոնտալ տեսախցիկ՝ դարձնելով այն արժևորելի «բազային» iPhone։

Լավագույն մեծ սմարթֆոն է ճանաչվել Xiaomi 17 Pro Max-ը, իսկ կոմպակտ սեգմենտում հաղթել է Samsung Galaxy Z Flip 7-ը։ Լավագույն տեսախցիկով սարքը, ըստ Բրաունլիի, դարձել է Oppo Find X9 Pro-ն, լավագույն գին-որակ հարաբերությամբ՝ CMF Phone 2 Pro-ն, իսկ ինքնավարությամբ առաջատար է ճանաչվել OnePlus 15-ը։

Տարվա լավագույն ծալվող սմարթֆոնը Բրաունլին անվանել է Samsung Galaxy Z Fold 7-ը, իսկ դիզայնի հատուկ մրցանակը շնորհել է չափազանց բարակ iPhone Air մոդելին։ Տարվա գլխավոր ձախողումը, ըստ նրա, դարձել է iPhone 16e-ի թողարկումը՝ թանկարժեք և թույլ հնարավորություններով։ Բլոգերը հավելել է, որ վերջին 12 ամիսներին ինքն ամենից հաճախ օգտագործել է OnePlus Open-ը։

Բրաունլին ընդգծել է, որ 2025-ին արտադրողները համարձակորեն փորձարկեցին նոր լուծումներ, իսկ սմարթֆոնները ստացան առավել դիմացկուն ինքնավարություն՝ շնորհիվ սիլիցիում-ածխածնային մարտկոցների։