Ռեակցիան, որը տվեց Պուտինը իրեն «դու»-ով դիմող տղային, հայտնվեց տեսագրությունում

Կրեմլի հրապարակած տեսագրությունում երևում է մի դրվագ, որում Ռուսաստանի նախագահ Վլադիմիր Պուտինը զարմանքով և ժպիտով արձագանքում է նրան «դու»-ով դիմած տղայի խոսքին։ Էպիզոդը տեղի է ունեցել Կրեմլի Գեորգիևյան դահլիճում՝ «Ոսկե աստղ» մեդալների հանձման արարողությունից հետո։

Տեսանյութում երևում է, որ Պուտինը մոտենում է հերոսների ընտանիքներին և նրանց հրավիրում է համատեղ լուսանկարվելու։ Այդ պահին նա հազում է, ինչին անմիջապես արձագանքում է նրա կողքին կանգնած հերոսի որդին՝ բարձր ձայնով ասելով.  «Будь здоров!» ՝ դիմելով նախագահին «դու» ձևով։ Պուտինը բնորոշ հումորով ու բարեհամբույր ժպիտով շնորհակալություն է հայտնում երեխային։

Ավելի վաղ նույն օրը նախագահը նշել էր, որ հատուկ ռազմական գործողության մասնակցող զինծառայողները իրական հերոսներ են՝ ընդգծելով, որ նրանք պաշտպանում են հայրենիքը չափազանց բարդ պայմաններում։