Valentino-ի նոր գովազդը քննադատության է ենթարկվել՝ արհեստական բանականության անհաջող կիրառման պատճառով

Իտալական նորաձևության տուն Valentino-ի նոր գովազդային արշավը բուռն քննադատության է արժանացել սոցիալական հարթակներում՝ արհեստական բանականության ոչ բնական և չափազանց անհաջող կիրառման համար։ Բրենդի Instagram էջում հրապարակված տեսանյութում ցուցադրվում է DeVain պայուսակի գովազդը, որտեղ մոդելների ձեռքերը անսպասելիորեն փոխակերպվում են Valentino-ի լոգոտիպի։ Տեսագրության վրա հատուկ նշված է, որ այն ստեղծված է նեյրոցանցերի միջոցով։

Օգտատերերի արձագանքը անմիջապես դարձավ սուր․ մեկնաբանություններում նրանք քննադատել են գովազդի էժան տեսքն ու բրենդի շքեղ ոճին անհամապատասխանությունը։ «Կարող եք ինձ հեյթեր ասել, բայց սա էժան տեսք ունի», «Արհեստական բանականությունը չի կարող փոխարինել շքեղությանը և վարպետությանը», «Անհամ ու դատարկ AI-գովազդ», «Valentino-ի հաշիվը կոտրե՞լ են», «Հիասթափված եմ» — գրել են որոշ օգտատերեր։

Նշենք, որ նախորդ ամիս ևս իտալական բրենդը հայտնվել էր քննարկումների կենտրոնում՝ Diesel-ի գովազդային արշավի պատճառով, որտեղ նկարահանվել էին ռուս ռուֆերներ Իվանն Բիրկուսը և Անգելինա Նիկոլաուն՝ առաջացնելով սուր բանավեճեր համացանցում։