Time ամսագիրը ԴիԿապրիոյին անվանել է 2025թ. տարվա արտիստ

Time ամսագիրը ամերիկացի դերասան Լեոնարդո ԴիԿապրիոյին անվանել է տարվա արտիստ:

«Նա միշտ էլ ցանկացել է դերասան դառնալ։ Լեոնարդո ԴիԿապրիոն TIME-ի կողմից ճանաչվել է տարվա լավագույն արտիստ», - ասվում է ամսագրի X էջում տեղադրված գրառման մեջ։

Նշվում է, որ չնայած «Օսկար»-ին և ևս վեց անվանակարգերին, ինչպես նաև 30 տարի տևած դերասանական կարիերային, հանդիսատեսը չի հոգնում դերասանի ներկայությունից կինոյում և բեմում և ցանկանում է տեսնել նրան, գուցե ավելի շատ, քան երբևէ։

ԴիԿապրիոն հաջողությամբ համատեղում է իր դերասանական կարիերան շրջակա միջավայրի պաշտպանության ակտիվիզմի հետ։ 1998 թվականին դերասանը հիմնադրեց Լեոնարդո ԴիԿապրիոյի հիմնադրամը և հետագայում ավելի քան 30 միլիոն դոլար նվիրաբերեց 40 երկրներում 70 նորարարական շրջակա միջավայրի պաշտպանության նախագծերի մշակմանը։ Դրանց թվում են ծովային կյանքի և կենդանական տեսակների պաշտպանությունը, որոնք սպառնում են ոչնչացման։ 2014 թվականին նշանակվելով ՄԱԿ-ի խաղաղության դեսպան՝ Կլիմայի փոփոխության դեմ պայքարի համար, ԴիԿապրիոն հայտարարեց, որ իր հիմնադրամը կնպաստի «մոլորակի փխրուն կլիման անդառնալի ոչնչացումից պահպանելու» պայքարին։ 2016 թվականի հունվարի 19-ին դերասանը Դավոսում կայացած Համաշխարհային տնտեսական ֆորումում ստացավ Բյուրեղյա մրցանակ՝ շրջակա միջավայրի պաշտպանության գործում ունեցած ներդրման համար։ 2019 թվականի օգոստոսի սկզբին ԴիԿապրիոն պատվավոր հյուրերի շարքում էր Սիցիլիայում Google-ի կողմից կազմակերպված շրջակա միջավայրի պաշտպանության համաժողովում։