Ռուսաստանն ամբողջությամբ կատարել է իր վճարումները ՄԱԿ-ի կանոնավոր բյուջե

Ռուսաստանի Դաշնությունը կատարել է իր ամբողջական ներդրումը ՄԱԿ-ի կանոնավոր բյուջեում: Այս մասին ճեպազրույցի ժամանակ հայտարարեց համաշխարհային կազմակերպության ղեկավարի պաշտոնական ներկայացուցիչ Ստեֆան Դյուժարիկը:

«Մենք շնորհակալություն ենք հայտնում Ռուսաստանի Դաշնությանը, որն ամբողջությամբ վճարել է իր ներդրումը կանոնավոր բյուջեում», - ասել է նա՝ հավելելով, որ Ռուսաստանը կազմակերպության բյուջե է մուծել 71,781,915 դոլար։

Դյուժարիկը նշել է, որ Ռուսաստանի վճարումները հաշվի առնելով՝ Համաշխարհային կազմակերպության բյուջեին լիարժեք ներդրում կատարած երկրների թիվը հասել է 146-ի։