Հալեպում գրոհայինների կողմից արձակված հրթիռն ընկել է բնակելի շրջանի վրա

Հունվարի 18-ին Սիրիայի հյուսիսում գտնվող Հալեպ քաղաքում գրոհայինների կողմից արձակված հրթիռն ընկել է բնակելի գոտի։ Ինչպես տեղեկացնում է Sana լրատվական գործակալությունը, կան վիրավորներ, որոնց թիվը, սակայն, դեռևս հստակ չէ։

Հիշեցնենք, որ հունվարի 15-ին Հալեպի համալսարանի վրա ահաբեկիչների կողմից հարձակման ժամանակ սպանվել էր 82 մարդ, այդ թվում՝ ուսանողներ և փախստականներ, որոնք ապաստարան էին գտել համալսարանի տարածքում: Այս մասին տեղեկացնում է ИТАР-ТАСС լրատվական գործակալությունը։