Վնուկովո օդանավակայանը վերսկսել է աշխատանքը

Վնուկովո օդանավակայանում վերացվել են ինքնաթիռների ժամանման և մեկնման ժամանակավոր սահմանափակումները։ Այս մասին իր Telegram ալիքում հայտարարել է «Ռոսավիացիայի» մամուլի քարտուղար Արտյոմ Կորենյակոն։

«Սահմանափակումները գործել են թռիչքների անվտանգությունն ապահովելու համար», - ասվում է Մոսկվայի ժամանակով ժամը 17:29-ին հրապարակված հայտարարության մեջ։

Կորենյակոն սահմանափակումների մասին հայտարարել էր Մոսկվայի ժամանակով մոտավորապես ժամը 17:11-ին: Որոշման մանրամասները չեն տրամադրվել: