Տեղի է ունեցել Մակրոն–Թրամփ հեռախոսազրույց՝ Ուկրաինայի հարցով

Ֆրանսիայի նախագահ Էմանուել Մակրոնը հայտնել է, որ չորեքշաբթի օրը Ուկրաինայի հարցով հեռախոսազրույց է ունեցել ԱՄՆ նախագահ Դոնալդ Թրամփի և մի շարք այլ գործընկերների հետ։

«Ես գտնվել եմ Սեն-Մալոյի քաղաքապետարանում, որտեղ անցկացրել եմ հեռախոսազրույց մի քանի գործընկերների և նախագահ Թրամփի հետ Ուկրաինայի հարցով։ Այդ 40 րոպեների ընթացքում մենք քննարկումներ ենք ունեցել՝ փորձելով առաջընթաց գրանցել այն թեմայում, որը կարևոր է մեզ բոլորիս համար։ Ներեցեք ուշացմանս համար»,– ասել է նա՝ հանդիպման ժամանակ, որը կազմակերպվել էր տարածաշրջանային Ouest-France թերթի ընթերցողների հետ: Հեռարձակումը իրականացվել է Էլիսեյան պալատից X սոցիալական ցանցում։

AFP գործակալության տեղեկացմամբ՝ խոսակցությանy մասնակցել են նաև Մեծ Բրիտանիայի վարչապետ Քիր Սթարմերը և Գերմանիայի կանցլեր Ֆրիդրիխ Մերցը։