Չեխիայի խորհրդարանը աջակցել է Թրամփի՝ Ուկրաինայի վերաբերյալ խաղաղության ծրագրին

Չեխիայի խորհրդարանի ստորին պալատի արտաքին հարաբերությունների հանձնաժողովը աջակցել է ԱՄՆ նախագահ Դոնալդ Թրամփի ջանքերին՝ Ուկրաինայում խաղաղության հասնելու համար  , հաղորդում է չեխական CTK լրատվական գործակալությունը։

Ընդունված բանաձևում հանձնաժողովի անդամները գովաբանել են ԱՄՆ վարչակազմի գործողությունները՝ միաժամանակ ընդգծելով Ուկրաինայի պետականությունը պահպանելու անհրաժեշտությունը: Այնուամենայնիվ, նրանք մերժել են ընդդիմության առաջարկը՝ աջակցելու Ուկրաինայի զինված ուժերին ռազմական մատակարարումների վերաբերյալ նոր նախաձեռնություններին:

«Ամերիկյան ծրագիրը նախատեսում է «տարածքային զիջումներ», ինչը դժվար է Ուկրաինայի համար, բայց դա խաղաղության հասնելու միակ գոյություն ունեցող նախաձեռնությունն է», - ասաց կոմիտեի նախագահ Ռադեկ Վոնդրաչեկը։