Google-ի՝ Ֆրանսիայում գտնվող ակտիվները առգրավվել են

Ամերիկյան Google ընկերության Ֆրանսիայում գտնվող բոլոր ակտիվները կալանքի տակ են վերցվել դրա ռուսական դուստր ընկերության՝ Google LLC-ի պահանջով, որի սնանկության գործը քննվում է Մոսկվայի արբիտրաժային դատարանու։ Այս մասին դեկտեմբերի 10-ին «Իզվեստիա»-ին հայտնել է ART DE LEX իրավաբանական ընկերության գործընկեր Արթուր Զուրաբյանը։

«Google France-ը ստացել է իր բաժնետոմսերի 100%-ի անհապաղ սառեցման որոշում: Սառեցումը կիրառվել է Փարիզի դատարանում Google LLC-ի կողմից իր մայր ընկերության՝ Google International LLC-ի դեմ ներկայացված հայցի առաջիկա լսումների կապակցությամբ», - ասվում է հայտարարության մեջ:

Google LLC-ի պահանջը հիմնված է Մոսկվայի Արբիտրաժային դատարանի կողմից ընկերության սնանկության գործով կայացված որոշման վրա: Այս դատարանը, ինչպես բարձրագույն դատարանները, պարզել է, որ պարտապանը դիտավորյալ վճարել է դիվիդենտներ՝ պարտատերերին իր պարտքի մարումից խուսափելու համար: