Կալիֆոռնիայում գազի պայթյուն է տեղի ունեցել․ 6 մարդ է վիրավորվել

Կալիֆոռնիայում տեղի է ունեցել գազի հզոր պայթյուն, որի հետևանքով՝ վիրավորվել է առնվազն վեց մարդ, հաղորդում է The Guardian-ը։

Դեպքը տեղի է ունեցել Հեյվարդ քաղաքում մի քանի ժամ անց այն բանից հետո, երբ շինարարական խումբը վնասել է գազատարը։ Արդյունքում՝ առաջացած ցնցող ալիքը վնասել է չորս շենք։

Պարբերականը մեջբերել է տեղի բնակչի, ով ասել է, որ պայթյունի ժամանակ իր տունը բառացիորեն ցնցվել է, պատերից իրեր են ընկել, իսկ անվտանգության տեսախցիկների կադրերից այնպիսի տպավորություն էր, որ դրանք պատերազմական տեսարաններ են։