Ճապոնիայի բնակիչներին զգուշացրել են հնարավոր ցունամիի մասին

Ճապոնիայի Աոմորի պրեֆեկտուրայի հյուսիս-արևելքում գրանցվել է 6,7 մագնիտուդով երկրաշարժ, որը մեծացնում է 1 մետրանոց ցունամիի առաջացման վտանգը, հաղորդում է Ճապոնիայի օդերևութաբանական վարչությունը։

Երկրաշարժը տեղի է ունեցել 20 կմ խորության վրա։ Ցունամիի մասին նախազգուշացում է հայտարարվել նաև Միյագի, Իվատե և Հոկայդո պրեֆեկտուրաների ափամերձ շրջանների բնակիչների համար։

Տուժածների կամ ավերածությունների մասին տեղեկություններ չկան։