Աղջիկն ամուսնացել է 17 տարի առաջ իր կյանքը փրկած տղամարդու հետ

Չինուհին ամուսնացել է տղամարդու հետ, որը 17 տարի առաջ փրկել էր իր կյանքը, հայտնում է South China Morning Post–ը (SCMP):

2008 թվականի մայիսին 22-ամյա Լիան Չժիբինը Սիչուան նահանգում տեղի ունեցած 8.0 մագնիտուդով երկրաշարժից հետո երկհարկանի շենքի փլատակներից դուրս է բերել 10-ամյա Լյու Շիմեյին։

Նրանք երկար տարիներ կորցրել էին կապը մինչև 2020 թվականը, երբ Լյուն տեսել է Լիանին հարևան սեղանի մոտ՝ ծնողների հետ ռեստորանում ճաշելիս։ Երիտասարդները զրույցի են բռնկվել, և երկար ժամանակ շփվելուց հետո նրանց միջև զգացմունքներ են առաջացել։ Ժամանակի ընթացքում Լյուն հասկացել է, որ ուզում է իր կյանքը կապել նրա հետ, և զույգն ամուսնացել է այս ամսվա սկզբին Չանշայում։

«Ես սիրահարվեցի նրան, բայց ոչ երախտագիտությունից դրդված։ Ես հասկացա, որ կարող եմ վստահել իմ կյանքը նրան», - ասել է Լյուն։

Նրա ամուսինը՝ Լիանը, նշել է, որ չէր սպասում իրադարձությունների նման շրջադարձի, բայց այժմ շնորհակալ է։

«Զարմանալի է, ես փրկեցի նրա կյանքը 17 տարի առաջ, և հիմա նա իմ կյանքի լույսն է», - ասել է տղամարդը։