«Փչովի տիկնիկ» դարձրած բլոգերն ընկել է պատուհանից և մահացել

33–ամյա մեքսիկացի բլոգեր Դենիզ Իվոն Ջարվիս Գոնգորան մահացել է Թաիլանդի Պհուկետ կղզու բարձրահարկ հյուրանոցի պատուհանից ընկնելու հետևանքով, հաղորդում է Daily Mail-ը։

Բլոգերին, ում համացանցում նաև անվանում էին «կենդանի փչովի տիկնիկ», հայտնաբերել են Պատոնգ Թաուեր հյուրանոցի աշխատակիցները դեկտեմբերի 12-ին։ Ըստ տեղեկությունների, Գոնգորան հյուրանոց է ժամանել երեքշաբթի՝ դեկտեմբերի 9-ին։ Բլոգերի մարմինը տեղափոխվել է Պատոնգի հիվանդանոց, իսկ ավելի ուշ՝ Պհուկետի գլխավոր հիվանդանոց։

Նրա մահվան պատճառը հետաքննվում է: Daily Mail-ը նշել է, որ մահից կարճ ժամանակ առաջ Գոնգորան վերանվանել է Instagram-ի իր էջը՝ ավելացնելով «died» բառը, որը անգլերենից թարգմանաբար նշանակում է «մահացել է»:

Բլոգերը հայտնի է դարձել բազմաթիվ պլաստիկ վիրահատությունների ենթարկվելու շնորհիվ: 2018 թվականին նա նաև մեծացրել է իր շրթունքները՝ ներարկելով լցոնիչներ: Գոնգորան խոստովանել է, որ այս միջամտության պատճառով կործանել է իր կյանքը: