Դոնալդ Թրամփը և նրա կինը ուղերձ են հղել Լուկաշենկոյին

ԱՄՆ նախագահ Դոնալդ Թրամփը և նրա կինը՝ Մելանիան, անձնական ուղերձ են հղել Բելառուսի նախագահ Ալեքսանդր Լուկաշենկոյին, որը Մինսկ է փոխանցել Բելառուսի հարցերով ԱՄՆ հատուկ բանագնաց Ջոն Քոուլը, ըստ Բելառուսի առաջնորդի մամուլի քարտուղար Նատալյա Էյսմոնտի։

«Ես կարող եմ կիսվել մի բանով, որը նախկինում չի ասվել՝ մի փոքրիկ, մարդկային և հետաքրքիր մանրամասնություն Դոնալդ և Մելանիա Թրամփի կողմից մեր նախագահին անձնական ուղերձ հղելու մասին՝ Բելառուսի հարցերով ԱՄՆ հատուկ բանագնաց Ջոն Քոուլի միջոցով», – ասել է նա «Առաջին տեղեկատվական ալիք»-ին տված հարցազրույցում։

Էյսմոնտը նշել է, որ իրենց ուղերձում ԱՄՆ առաջին տիկինը շնորհակալություն է հայտնել բելառուսական կողմին և անձամբ Լուկաշենկոյին այն հյուրընկալության համար, որը մշտապես ցուցաբերվել է երկրում։

«Նրանք նշում են մեր բելառուսական հյուրընկալությունը և խոսում են շատ ջերմ ընդունելության մասին։ Նրանք շնորհակալություն են հայտնում մեզ», – ասել է Բելառուսի նախագահի մամուլի քարտուղարը։