Ահաբեկչություն` Ավստրալիայում. զոհերի թիվը հասել է 12-ի

Ավստրալիայի Նոր Հարավային Ուելս նահանգի ոստիկանությունը հայտնում է, որ Բոնդի լողափում հրեական համայնքի դեմ հրաձգության հետևանքով զոհերի թիվը հասել է 12-ի, ևս 29 մարդ, այդ թվում՝ մեկ երեխա, տեղափոխվել են հիվանդանոց, տեղեկացնում է BBC News-ը։

Լողափում տեղի էր ունենում Հանուկայի մեկնարկին նվիրված միջոցառում, որին, ոստիկանության տվյալներով, մասնակցում էր ավելի քան 1000 մարդ։

Ոստիկանության տվյալներով, մեկ զինված անձ սպանվել է, իսկ երկրորդ կասկածյալը գտնվում է ծայրահեղ վիճակում։