ԵՄ-ն մտադիր է պահպանել Ռուսաստանի դեմ պատժամիջոցները․ Սիյարտո

Եվրամիությունը մտադիր է պահպանել Ռուսաստանի դեմ սահմանված պատժամիջոցները, նույնիսկ եթե ԱՄՆ-ը հրաժարվի դրանցից, հայտարարել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն։

Այստեղ (ԵՄ-ում-խմբ.) այժմ խոսում են այն մասին, որ նույնիսկ եթե ամերիկացիները որոշ դեպքերում վերացնեն Ռուսաստանի դեմ պատժամիջոցները, մենք պետք է շարունակենք Ռուսաստանի դեմ տնտեսական միջոցառումները, որոնք, ի դեպ, ամենամեծ վնասը հասցնում են հենց եվրոպական տնտեսությանը»,- ասել է Սիյարտոն հունգարացի լրագրողներին ԵՄ երկրների արտաքին գործերի նախարարների հանդիպման արդյունքներով։