Շնաձուկը կծել է իրեն փրկած ջրասուզորդին

Հավայան կղզիներում շնաձուկը հարձակվել է իրեն փրկելու փորձ անող ջրասուզորդի վրա, հաղորդում է Hawaii News Now-ն։

Դեպքը տեղի է ունեցել երեքշաբթի՝ դեկտեմբերի 9-ին, Կաալուալու լողափի մոտ՝ Կաու շրջանում։ Ջրասուզորդների խումբը հայտնաբերել է շնաձուկ՝ խճճված ցանցի մեջ։ Նրանք որոշել են օգնել նրան, բայց մարդկանցից վախեցած շնաձուկը դարձել է ագրեսիվ։ Ազատվելուց հետո այն կծել է 24-ամյա ջրասուզորդի ձախ ազդրից։ Նրա ընկերները օգնել են տղամարդուն ափ դուրս գալ։

Նա տեղում առաջին բուժօգնություն ստանալուց հետո ուղղաթիռով տեղափոխվել է հիվանդանոց։ Նրա կյանքին վտանգ չի սպառնում։