Ռեժիսոր Ռոբ Ռեյների որդին ձերբակալվել է ծնողների սպանության կասկածանքով

Լոս Անջելեսի ոստիկանությունը ձերբակալել է ամերիկացի ռեժիսոր և դերասան Ռոբ Ռեյների որդուն, ով կասկածվում է իր ծնողների սպանության մեջ, հաղորդում է ABC7-ը։

Հաղորդագրությունում նշվում է, որ 32-ամյա Նիք Ռեյները ներկայումս կալանքի տակ է։ Ռեժիսորի որդուն մեղադրանք է առաջադրվել ծանր հանցագործության մեջ։

Նախորդ օրը Ռոբ Ռեյները և նրա կինը՝ Միշելը, մահացած էին հայտնաբերվել Լոս Անջելեսի իրենց  տանը՝ դանակահարությունից ստացած վնասվածքներով։ Մարմինների ինքնությունը դժվար է եղել պարզել հրդեհի պատճառով։

TMZ-ը, հղում անելով իր սեփական աղբյուրին, հայտնել է, որ Ռոբ Ռեյների կոկորդը, հնարավոր է, որդին կտրել է կենցաղային վեճի ժամանակ։ Երկար տարիներ երիտասարդը պայքարել է թմրամոլության դեմ և նաև անօթևան է եղել։