Տղամարդուն աշխատանքից ազատատել են հաճախակի զուգարան գնալու պատճառով

Չինաստանում Լի անունով տղամարդը դատական ​​հայց է ներկայացրել ընկերության դեմ, որը նրան աշխատանքից ազատել է զուգարան հաճախակի գնալու համար, գրում է South China Morning Post-ը։

Ընկերության ներկայացուցիչները դատարանին ներկայացրել են տեսախցիկների տեսագրությունները, որտեղ երևում է, թե ինչպես է ինժեներ Լին մեկ ամսվա ընթացքում 14 անգամ գնացել զուգարան։ Այս ընդմիջումները սովորաբար տևել են մեկ ժամից ավելի։ Նրա երբևէ կատարված ամենաերկար ընդմիջումը տևել է չորս ժամ։

Լին պնդել է, որ այդ ընդմիջումները պայմանավորված են եղել առողջական խնդիրներով՝ պնդելով, որ տառապում է թութքով։ Նա նաև ներկայացրել է իր գնած դեղերի կտրոնները և վիրահատությունների վերաբերյալ փաստաթղթեր՝ իր պնդումը հիմնավորելու համար։

Սակայն այս բոլոր ապացույցները վերաբերում էին Լիի՝ արդեն ազատվելուց հետո ընկած ժամանակահատվածին։ Ընկերությունը նշել է, որ նա պետք է նախապես տեղեկացներ ղեկավարին իր վիճակի մասին և հիվանդության համար արձակուրդ վերցներ, ինչպես նախատեսված է եղել իր աշխատանքային պայմանագրով։

Դատարանը ճանաչել է, որ Լին ավելի շատ ժամանակ է անցկացրել զուգարանում, քան պահանջում էր իր մարմինը։ Սակայն նաև պարտավորեցրել է ընկերությանը ազատված աշխատակցին վճարել 30,000 յուան ​ ընկերության զարգացման գործում ունեցած ներդրման համար։