250 մլն դոլար վարկ ենք վերցնում ԼՂ-ից տեղահանվածների բնակարանային ապահովման համար. փոխնախարար
Տնտեսություն
250 մլն դոլար վարկ ենք վերցնում ԼՂ-ից բռնահանվածների բնակարանային ապահովման համար: Այս մասին Ազգային ժողովի ֆինանսավարկային և բյուջետային հարցերի մշտական հանձնաժողովի արտահերթ նիստի ժամանակ ասել է աշխատանքի և սոցիալական հարցերի նախարարի տեղակալ Դավիթ Խաչատրյանը՝ ներկայացնելով Հայաստանի Հանրապետության և Ասիական զարգացման բանկի միջև կնքվելիք կենսունակության հզորացման համար բարեփոխումների ծրագիրը:
«Այն նպատակ ունի զարգացնել ներառական բնակարային համակարգը Հայաստանում՝ Լեռնային Ղարաբաղից բռնի տեղահանված ընտանիքների համար»,- նշել է Խաչատրյանը:
Նրա խոսքով, 2024 թվականի կեսերին Կառավարությունը հաստատել է բնակարանային աջակցության ծրագիրը, այն գործում է. շուրջ 1,600 ընտանիք արդեն ձեռք է բերել բնակարան:
Ծրագրի մասով պայմանների մասին նշվել է, որ վարկի գումարը կազմում է 250 միլիոն դոլար, այն տրամադրվում է 27 տարի ժամկետով՝ որից առաջին 10 տարին արտոնյալ ժամանակահատվածն է, իսկ վերջնաժամկետը՝ 2030 թվականի դեկտեմբերի 31-ն է:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
