ԱՄՆ-ն և Ուկրաինան Բեռլինում չեն կարողացել համաձայնության գալ Թրամփի ծրագրի ևս մեկ կետի շուրջ

ԱՄՆ-ն և Ուկրաինան չեն կարողացել համաձայնության գալ Զապորոժյեի ԱԷԿ-ի շարունակական շահագործման վերաբերյալ դեկտեմբերի 14-15-ը Բեռլինում կայացած բանակցությունների ժամանակ, հաղորդում է The Guardian-ը՝ հղում անելով ամերիկացի պաշտոնյաներին։

Բանակցություններում ԱՄՆ ներկայացուցիչները հայտարարել են, որ Ռուսաստանն ու Ուկրաինան պետք է հավասարապես՝ 50-50 հարաբերակցությամբ կիսեն կայանի արտադրած էլեկտրաէներգիան։ Ավելին, Թրամփի թարմացված խաղաղության ծրագրի համաձայն, Զապորոժյեի ԱԷԿ-ը պետք է վերագործարկվի նոր ամերիկյան օպերատորի ղեկավարությամբ։

Սակայն ուկրաինացիները համաձայն չեն ԱՄՆ դիրքորոշման հետ։ The Wall Street Journal-ը հաղորդում է, որ Վոլոդիմիր Զելենսկին պնդում է Զապորոժյեի ԱԷԿ-ը Կիևի և Վաշինգտոնի համատեղ կառավարմանը հանձնելու վրա, մինչդեռ Կիևը պնդում է, որ Ռուսաստանը պետք է սահմանափակ դեր ունենա կայանի շահագործման գործում։