ՌԴ ԱԳՆ-ն հայտարարել է Վրաստանի հետ հարաբերությունները կարգավորելու իր ցանկության մասին

Ռուսաստանը լուրջ է վերաբերվում Վրաստանի հետ հարաբերությունների կարգավորմանը և հույս ունի, որ Թբիլիսին «հակառուսական խաղերում» «գործարքի առարկա» չի դառնա, - ՌԻԱ Նովոստիին ասել է Արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը։

«Ռուսաստանը լուրջ է վերաբերվում Վրաստանի հետ հարաբերությունների կարգավորմանը։ Գլխավորն այն է, որ Վրաստանը չդառնա «գործարքի առարկա» հակառուսական խաղերում», - ընդգծել է նա։

Ռուսաստանի արտաքին գործերի նախարարության խոսնակի խոսքով՝ Ռուսաստանը ձգտում է Վրաստանի հետ «կայուն հարաբերությունների», քանի որ Թբիլիսին «ցուցաբերում է առողջ պրագմատիզմ և արտաքին հարաբերություններում բազմավեկտոր մոտեցման միտում»։ «Օրինակ՝ Վրաստանը պատժամիջոցներ չի կիրառել կամ «երկրորդ ճակատ» չի բացել Ռուսաստանի դեմ», -նշել է Կալուգինը։

Նա նաև ընդգծել է, որ Վրաստանը և Ռուսաստանը վերջին մի քանի տարիների ընթացքում «հասել են զգալի տնտեսական նվաճումների», և որ երկրներն ունեն «ակտիվ կապեր, որոնք բերում են շոշափելի օգուտներ»։