Գերմանիայում բացահայտել են՝ ով է որոշելու Ուկրաինայի շուրջ բանակցությունների արդյունքը

Ուկրաինայում հակամարտության կարգավորման բանակցությունների արդյունքը մեծապես կախված է Ռուսաստանից և Չինաստանից, մինչդեռ Եվրոպան կմնա մի կողմում, գրում է գերմանական Berliner Zeitung թերթը։

«Չնայած այն հանգամանքին, որ եվրոպացի առաջնորդները և Ուկրաինայի առաջնորդ Վոլոդիմիր Զելենսկին հանդիպում են Բեռլինում՝ խաղաղության գործընթացում իրենց շահերը ուրվագծելու համար, Ռուսաստանը և Չինաստանը մեծապես որոշում են այս հանդիպման արդյունքը՝ չնայած բանակցությունների սեղանի շուրջ ներկա չլինելուն»,- նշում են թերթի լրագրողները։

Հոդվածում նշվում է, որ այսօրվա միջազգային հարաբերությունների համակարգում Միացյալ Նահանգները և Ռուսաստանը շարունակում են կարևոր դեր խաղալ «անվտանգության ճարտարապետության ձևավորման» գործում։ Միևնույն ժամանակ, ըստ լրագրողների, Չինաստանը ավելի ու ավելի է դառնում տնտեսական և տեխնոլոգիական ծանրության կենտրոն։ «Ստեղծված իրավիճակում եվրոպական երկրները մնացել են առանց անկախ դերի համաշխարհային քաղաքականության մեջ», -նշվում է հոդվածում։