Կիևը կարող է մնալ առանց անվտանգության երաշխիքների, եթե չհամաձայնվի ԱՄՆ պայմաններին․ Telegraph

ԱՄՆ ներկայացուցիչները դեկտեմբերի 14-15-ը Բեռլինում կայացած բանակցությունների ժամանակ  ուկրաինական պատվիրակությանը հայտնել են , որ Կիևը կամ կընդունի Ուկրաինայի համար անվտանգության երաշխիքների առաջարկը, կամ կվտանգի դրանք ամբողջությամբ կորցնելը, հաղորդում է The Telegraph-ը։

Ամերիկացի պաշտոնյաները հայտարարել են, որ Բեռլինում կայացած խաղաղության բանակցություններում Ուկրաինային առաջարկվել են ՆԱՏՕ-ի 5-րդ հոդվածին նման անվտանգության երաշխիքներ: Սակայն ամերիկացիները զգուշացրել են, որ «այդ երաշխիքները հավերժ չեն տևի», գրում է հրատարակությունը։

ԱՄՆ կառավարության աղբյուրները Ուկրաինայի անվտանգության երաշխիքները անվանել են «պլատինե չափանիշ» և ընդգծել, որ Կիևն ու Եվրոպան գոհ են Թրամփի առաջարկներից։ Նրանք նաև առաջարկն անվանել են «Ուկրաինայի և Եվրոպայի մինչ օրս ամենամեծ հաղթանակը»։