Նոր ուսումնամեթոդական ձեռնարկը կօգնի պատմության ուսուցիչներին և դասախոսներին՝ Վարդանանց պատերազմի թեման ներկայացնելու արդի գիտական մակարդակով
Գիտություն և Մշակույթ
Քաղաքագետ Արմեն Այվազյանը գրում է.
Ուրախությամբ տեղեկացնում եմ, որ լույս է տեսել դեռևս 2024 թ. իմ պատրաստած ուսումնամեթոդական ձեռնարկը՝
«449–451 թթ. հայ–պարսկական պատերազմը. ուսումնամեթոդական ուղեցույց և դիդակտիկ նյութեր» (Եր., 2025, 46 էջ)։
Ուղեցույցը նպատակ ունի օգնել պատմության ուսուցիչներին և դասախոսներին՝ Վարդանանց պատերազմի թեման ներկայացնելու արդի գիտական մակարդակով։ Գրքույկում քննադատորեն դիտարկվում են պատմության դասագրքերում առկա էական բացերը, հնացած մոտեցումները և փաստական աղճատումները։
Առանձին բաժիններում հանգամանորեն վերակազմված են Խաղխաղի և Ավարայրի ճակատամարտերը՝ գունավոր քարտեզների և գծագրերի օժանդակությամբ։
Անժխտելի է, որ սպարապետ Վարդան Մամիկոնյանի և նրա զինակիցների սխրանքն առանցքային նշանակություն ունի հայոց պատմական հիշողության և ազգային ինքնության ձևավորման համար։ Հենց այդ գիտակցումն է, որ պահանջում է թեմայի գիտականորեն ճշգրիտ, պատասխանատու և ամբողջական ներկայացում։
Այսօրվանից առկա է «Բուկինիստ» գրախանութում։
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
