«Երկիր». Մեկ մանդատը բոնուս է

Թերթը գրում է. «ՕԵԿ-ում աճուրդը հայտարարված է: Ավանդույթի համաձայն, ԱԺ-ում հայտնվելու ցանկություն ունեցողները պետք է մանդատն «արդար քրտինքով» նվաճեն, այսինքն՝ վճարեն: Սակայն սա չի վերաբերում բոլոր պատգամավորներին, օրինակ, ԱԺ ՕԵԿ խմբակցության ղեկավար Հեղինե Բիշարյանը չի վճարելու, նա, իհարկե, լինելու է ՕԵԿ-ի համամասնական ցուցակում, շատ ավելի թանկ գնով՝ նրա ուսերին է ՕԵԿ-ի վարկանիշը դոշ տված պաշտպանելու ծանր պարտականությունը: ՕԵԿ-ին մոտ կանգնած մեր աղբյուրները պնդում են, որ կուսակցությունում նեղված մթնոլորտ է, կուսակցության նախագահ Արթուր Բաղդասարյանն էլ անտրամադիր է և ոչ ոքի հետ շփվել չի ցանկանում: Ըստ մեկ այլ աղբյուրի, նրան արդեն տեղեկացրել են, որ ՕԵԿ-ին 7 տեղից ավելի չեն տալու, իսկ նա ընկել է մտածմունքի մեջ, թե ինչպես բաժանի այս 7 տեղերը, երբ շատերին է խոստացել: Ի դեպ, չար լեզուները ասում են, որ ՕԵԿ-ի մեկ մանդատի արժեքը ԱՄՆ դոլարով վեցանիշ թիվ է կազմում: Ի՞նչ իմանաս»: