Ադրբեջանի նախկին փոխվարչապետը հետախուզվում է

Ադրբեջանի նախկին առաջին փոխվարչապետ Աբբաս Աբբասովի նկատմամբ հետախուզում է հայտարարվել՝ պետական իշխանությունը զավթելուն ուղղված գործողությունների հետ կապված քրեական գործի շրջանակներում, հաղորդում է « Report» լրատվական գործակալությունը։

«Որոշում է կայացվել հետաքննության մեջ ներգրավել և հետախուզման մեջ հայտարարել Ադրբեջանի նախկին առաջին փոխվարչապետ Աբբաս Աբբասովին, ով տարիներ շարունակ գտնվել է (Ադրբեջանի Հանրապետության նախագահի աշխատակազմի նախկին ղեկավար - խմբագրի նշում) Ռամիզ Մեհդիևի պաշտպանության ներքո՝ խուսափելով քրեական հետապնդումից», - նշվում է հրատարակության մեջ։

Գործակալության տվյալներով՝ Աբբասովը, 1992-2006 թվականներին Ադրբեջանի առաջին փոխվարչապետի պաշտոնը զբաղեցնելիս, զբաղվել է դիվերսիոն գործունեությամբ՝ ուղղված Ռուսաստանում ադրբեջանական սփյուռքի կառույցների զավթմանը և դրանց նկատմամբ վերահսկողություն հաստատելուն։ Գործակալությունը նաև նշում է, որ նախկին փոխվարչապետը մեղադրվում է Ռուսաստանում ադրբեջանական կազմակերպությունների միության, որը հայտնի է նաև որպես «Միլիարդատերերի միություն», հիմնադիր և ղեկավար լինելու մեջ, որի գործունեությունը, ըստ իշխանությունների, ուղղված էր Ադրբեջանում քաղաքական գործընթացներին։