Տղամարդը թունավոր օձի միջոցով սպանել է կնոջը և դա ներկայացրել որպես դժբախտ պատահար
Այլ
NDTV-ի հաղորդմամբ՝ Հնդկաստանում ձերբակալվել է Ռուպեշ Սատիշչանդրա Ամբերկար անունով մի տղամարդ՝ կնոջը սպանելու և դա որպես դժբախտ պատահար ներկայացնելու համար։
2022 թվականի հուլիսի 10-ին Ռուպեշի կինը՝ Նիրջա Ամբերկարը, մահացել է տանը թունավոր օձի խայթոցից։ Այս մասին ոստիկանությունում պատմել են Ռուպեշը և նրա երեք ընկերները։ Իրավապահ մարմինները նրանց ցուցմունքներում որևէ կասկածելի բան չեն նկատել և միջադեպը որակել են որպես սովորական դժբախտ պատահար։
Երեք տարի անց քննիչը վերաբացել է գործը։ Նա նկատել է տղամարդկանց ցուցմունքներում անհամապատասխանություններ։ Պարզվել է, որ Ռուպեշը խնդրել է իր ընկերոջը թունավոր սողուն բերել տուն և այն դնել կնոջ վրա։ Նրանք, ի վերջո, մի քանի տարի խուսափել են արդարադատությունից։
Ռուպեշի ընկերները պատմել են, որ նա հաճախ է վիճելիս եղել կնոջ հետ և բողոքում էր, որ հոգեբանական բռնության է ենթարկվում նրա կողմից: Տղամարդն օգնություն է խնդրել ընկերներից՝ նրանից ազատվելու համար: Հարցաքննությունից հետո ոստիկանությունը ձերբակալել է չորսին էլ: Նրանց մեղադրանք է առաջադրվել:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
