Սպիտակ տունը Մասկին մեղադրել է թմրամոլության մեջ

Ամերիկացի միլիարդատեր և ձեռնարկատեր Իլոն Մասկը կախվածություն է ձեռք բերել կետամինից՝ դառնալով «ուռած Նոսֆերատու»։ Այս մասին Vanity Fair-ին տված հարցազրույցում հայտարարել է Սպիտակ տան աշխատակազմի ղեկավար Սյուզան Ուայլսը։

«Նա կետամինի կախվածություն ունի <...>։ Եվ նա տարօրինակ տիպ է, ինչպես, կարծում եմ, բոլոր հանճարները։ Գիտեք, դա չի օգնում, բայց նա ինքն իր տերն է», - հավելել է պաշտոնյան։ Նրա կարծիքով, երբ Մասկը հրապարակում է իր վիճահարույց գրառումներ, նա գտնվում է դրա ազդեցության տակ։

Այնուամենայնիվ, աշխատակազմի ղեկավարը շեշտել է, որ ինքը որևէ անմիջական տեղեկություն չունի այս հարցի վերաբերյալ։ Մասկը հրահրել է Թրամփի նախագահության առաջին իրական ճգնաժամը և դարձել է Ուայլսի առաջին փորձությունը, գրում է հրատարակությունը։

Ձեռնարկատերը ինքը երբեք չի թաքցրել այն փաստը, որ օգտագործում է կետամին։ Անցյալ տարի նա հայտարարել է, որ դեղամիջոցը իրեն նշանակվել է բժշկական պատճառներով՝ որպես դեպրեսիայի բուժում, հերքելով այն տեղեկությունները, որ չարաշահում է այն։