Օրբանը Ռուսաստանի սառեցված ակտիվների վերաբերյալ նամակ է գրել Պուտինին

Հունգարիայի վարչապետ Վիկտոր Օրբանը հայտարարել է, որ նամակ է գրել նախագահ Վլադիմիր Պուտինին՝ Ռուսաստանի սառեցված ակտիվների առգրավման վերաբերյալ Մոսկվայի արձագանքի մասին, մեջբերում է Mandiner-ը։

Օրբանը նշել է, որ հետաքրքրվել է արձագանքով և այն մասին, թե արդյոք այս հարցում հաշվի կառնվեն ԵՄ առանձին անդամ պետությունների քվեարկությունները։ Նա ասել է, որ ստացել է պատասխան, որ Ռուսաստանը «վճռականորեն կարձագանքի», բայց հաշվի կառնի առանձին երկրների քվեարկությունները։

Հունգարիայի վարչապետը կրկին հայտարարել է ԵՄ-ում սառեցված ռուսական ակտիվների օգտագործման դեմ, քանի որ դա կհանգեցնի «էսկալացիայի նոր մակարդակի»։