Ուկրաինայում մտադիր են նոր հարկ մտցնել երկրի վերականգնմանը աջակցելու համար

Ուկրաինան քննարկում է երկրի վերակառուցման համար առանձին հարկի ներդրման հարցը: Այս մասին Forbes Ukraine-ին տված հարցազրույցում հայտարարել է Համայնքների և տարածքային զարգացման փոխնախարար Ալյոնա Շկրումը։

«Ապագայում վերակառուցման հիմնադրամը կարող է ֆինանսավորվել առանձին հարկով», - ասել է նա՝ հավելելով, որ հարկը չի նախատեսվում մտցնել մինչև ռազմական գործողությունների ավարտը։

Փոխնախարարի խոսքով՝ ներկայումս հիմնական խնդիրը վերակառուցման հիմնադրամի ստեղծումն է՝ Ուկրաինայի ենթակառուցվածքների և տնտեսության վերականգնման նպատակով միջոցներ կուտակելու համար: Նա նշել է, որ դրամաշնորհները բավարարում են երկրի կարիքների միայն 5-10%-ը, և առկա վարկերը պետք է մարվեն ապագայում։

Իր հերթին, Գերագույն ռադայի հարկային կոմիտեի ղեկավար Դանիլո Հետմանցևը հայտարարել է, որ նման նախաձեռնություն չի քննարկվում։