Բրիտանացիներին վախեցրել է վարդագույն երկինքը
Այլ
Մեծ Բրիտանիայի բնակիչները ականատես են եղել անսովոր երևույթի, որի պատճառով դեկտեմբերյան երկինքը վառ վարդագույն է դարձրել, հայտնում է Daily Mail-ը։
Ըստ օդերևութաբանական ծառայության՝ այս էֆեկտը տեղի է ունենում, երբ արևի լույսը անցնում է մառախուղի մեջ պարունակվող փոքր մասնիկների՝ խոնավության կամ փոշու միջով։ Արդյունքում, կապույտ երանգները ցրվում են, մինչդեռ կարմիր և վարդագույն երանգները դառնում են գերիշխող։
«Երբ արևի լույսը անցնում է մթնոլորտի մի քանի շերտերով, կապույտ լույսը զտվում է, մինչդեռ կարմիրը շարունակում է ցրվել։ Ըստ էության, դա արևածագն է, որը ճեղքում է մառախուղի միջով՝ ստեղծելով վարդագույն երանգ», - բացատրել է օդերևութաբանական ծառայության խոսնակ Գրեհեմ Մաջը։
Ականատեսները ոգևորությամբ կիսվել են անսովոր երկնքի լուսանկարներով և տեսանյութերով։ Որոշ օգտատերեր նշել են, որ կադրերը արվել են առանց որևէ ֆիլտրի՝ համեմատելով երկնքի գույնը «Բարբիի» էսթետիկայի հետ։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
